वैदेशिक रोजगारीमा जाने अधिकांश युवा घरगाउँकै दलाल, सदरमुकाम र सहरका वैदेशिक रोजगार व्यवसाय एजेन्ट बाट ठगिने गरेका छन् । दुई वर्ष अगाडि राजपुर नगरपालिका वाड नम्बर १ फतुवा घर भएका जयराम साह सुनारले ठूलो परिणाममा रकम ठगी गरेर फरार रहेका छन् ।
सरकारले वैदेशिक रोजगारीलाई व्यवस्थित, मर्यादित र सुरक्षित बनाउने भनेर नयाँ नयाँ प्रणालीको विकास गरे पनि वैदेशिक रोजगारीका नाममा केही गाउँ घरमा दलाल ठुला ठुला सपना देखाएर रकम र पासपोर्ट लिएर भाग छन।
वैदेशिक रोजगार विभागका अनुसार वैदेशिक रोजगारीका क्रममा ठगी गरेको, विदेश पु-याएर अलपत्र पारेको, समस्याग्रस्त कम्पनीमा पठाएको, तोकिएभन्दा बढी शुल्क लिएकोलगायत विभिन्न विषयमा पछिल्लो केही वर्ष आगाडी धेरै मात्रा मा उजुरी परेका छन् ।
चालु आर्थिक वर्षको साउनदेखि वैशाखसम्म दर्ता भएका केही उजुरीमा ७५ करोड ७७ लाख ४१ हजार २१४ रुपैयाँ ठगी रकम दाबीसहितको उजुरी दर्ता भएको विभागले जनाएको छ ।
विभागका प्रवक्ता गुरुदत्त सुवेदीले यो रकम दाबी वैदेशिक रोजगारीमा श्रमिक पठाउन अनुमति नै नपाएका गैरकानुनी एजेन्ट, कन्सल्टेन्ट र बिचौलियाले गरेको ठगीबाट भएको जानकारी दिए।
वैदेशिक रोजगारीमा श्रमिक पठाउनकै लागि विभागसँग अनुमति लिएका म्यानपावर कम्पनीबाहेक अन्य कोही पनि एजेन्टले रोजगारीका लागि श्रमिक पठाउन नपाउने सरकारी नियम छ तर पनि सरकारको नियमविपरीत जयराम साह सुनार एजेन्ट माथि ठगी निवेदन परेका छन जयराम साह सुनारले दुई वर्ष देखि ईशनाथ नगरपालिका वाड नम्बर ८ को ३ जना संग २ लाख को दरले पहिला नै पैसा ठगी गरिसकेको र परोहा नगरपालिका वाड नम्बर ९ को ६ जना संग पनि २ लाख को दरले साउदी पठाई दिन्छु भनी १५ जना भन्दा बढी संग ठगी गरेर दुई वर्ष देखि फरार रहेका छन ।
विभागका अनुसार अघिल्लो वर्षको तुलना यो वर्ष ठगी भएका उजुरी बढेका छन् । पछिल्लो केही समय यता वैदेशिक रोजगारीमा श्रमिक पठाउन इजाजत नै नलिएका व्यक्तिबाट भएको ठगीको उजुरी महिनामै सयभन्दा बढी पर्न थालेका छन् । विभागले गएको वैशाख महिनामा मात्रै एजेन्ट र बिचौलियाबाट भएको ठगीको १५० वटा उजुरी परेको जानकारी दिएको छ ।
विभागका अनुसार गएको आर्थिक वर्षमा एजेन्टबाट ठगी भएको ६९५ वटा उजुरी विभागमा परेको थियो । ती उजुरीउपर ५० करोड ४४ लाख ६१ हजार २०३ रूपैयाँ रकम दाबी गरिएको थियो ।
अघिल्लो आर्थिक वर्ष २०७८/७९ देखि अहिलेसम्म एजेन्ट र बिचौलियाबाट एक अर्ब २६ करोड २२ लाख दुई हजार ४१७ रुपैयाँ ठगी भएको छ । विभागमा परेको एक हजार ६२० वटा उजुरीउपर यो रकम दाबी गरिएको हो । चालु आर्थिक वर्षको ६ महिनामा परेका ९२५ वटा उजुरीमध्ये ७७ वटा मुद्दा अदालतमा दायर गरिएको छ भने १७६ बिचौलियालाई प्रहरीले पक्राउ गरेको छ ।
यसै गरी सो अवधिमा विभागकै रोहबरमा १३५ जनाले मिलापत्र गरेका छन् । मिलापत्रमार्फत एजेन्टहरूले नौ करोड ४३ लाख ५६ हजार १०० रुर्पैयाँ फिर्ता गरेका जनाइएको छ । त्यस तै राजपुर नगरपालिका वाड नम्बर १ निवासी जयराम साह सुनारले १५ जना भन्दा बढी संग वैदेशिक रोजगार मा पठाईदिने को नाममा दुई दुई लाखको दरले रकम ठगी गरेर फरार रहेको छ ।
