रौतहट ९ भदौं । रौतहटको इशनाथ नगरपालिकाको सीमावर्ती क्षेत्रको चोर नाका भएर भारतबाट नेपाल तर्फ ल्याउदै गरेका ठूलो परिमाणमा सुर्ती सशस्त्र प्रहरीद्वारा बरामद गरिएका छन् ।
विशेष सूचनाका आधारमा सशस्त्र प्रहरी बल नेपाल नम्वर ११ गणका गणपति एवं एसपी सन्तोषकुमार बस्नेत आफै आईतवार राति इशनाथ नगरपालिकाको मठिया स्थित सीमा क्षेत्रबाट ठूलो परिमाणमा सुर्ती बरामद गर्न सफल भएका हुन् ।
रातिको समयमा सशस्त्र प्रहरी एकाएक पुगेपछि धानको खेतमै सुर्तीको पोका छाडेर तस्करहरु भारत तर्फ भागेपछि प्रहरीले ३० वटा सुर्तीका पोकालाई धानखेतबाट संकलन गरेर सशस्त्र सिमा सुरक्षा वल नम्वर ११ गणमा ल्याइएको बताउदै एसपी सन्तोषकुमार बस्नेतले बरामद सुर्तीको वजन र मुल्याँकन गर्ने कार्य भईरहेको हुँदा सोको जानकारी पछि दिने बताए ।
सशस्त्र प्रहरीका एसपी आफै अपरेशनमा निस्केको कारण नै ठूलो सफलता प्राप्त भएको बताइएको छ ।
रौतहटमा सशस्त्र प्रहरीले ठुलो मात्रामा गरे सुर्ती बरामद
