रौतहट, ७ भदौं । १९ बर्ष अघि गौरमा भएको हत्याकाण्डलाई लिएर सर्वोच्च अदालतले छानविन एवं अनुसन्धान प्रक्रिया अगाडी बढाउनका लागि परमादेश जारी गरेपछि जसपा सहितका नेताहरु आन्दोलित बन्दै शनिवार गौरमा मशाल जुलुश प्रदर्शन गरिएका छन् ।
गौरको विपीचोक घण्टाघर अगाडीबाट मशाल जुलुश निकालिएका थिए । मशाल जुलुश भोली हुने वृहद जनप्रदर्शनको पूर्व सन्ध्यामा गरिएको नेता रेबन्त झाले बताए । उनले गौर घटना प्रभु साहको हठबाजीको कारण भएको बताए ।
तत्कालिन माओवादी जनयुद्धको आक्रोशको परिणाम गौर घटना भएका थिए । राज्य पनि त्यतीकै जिम्मेवार भएको हुँदा अहिले आएर अनुसन्धानको नाममा उक्त फाइलहरु खोल्नु गैर न्यायीक भएको ठहर गर्दै रौतहटमा जनयुद्धको समयमा हत्या भएका व्यक्तिहरुको पनि अनुसन्धान हुनुपर्ने माग गरे ।
सो मशाल जुलुश कार्यक्रममा रामकिशोर यादव, संविधान सभा सदस्य बबन सिंह, पूर्व मन्त्री योगेन्द्र यादव, प्रदेश सभा सदस्य बाबुलाल साह, शोभा साह, अनिल सिंह, किरण ठाकुर, रामेश्वर राय यादव, राजकुमार दास, श्यामविहारी यादव लगायतका दर्जनौं नेता एवं कार्यकर्ताहरुको उपस्थिति रहेको थियो ।
