रौतहट : भारतबाट अवैधरूपमा कुखुरा तस्करी हुने क्रम बढेपछि रौतहटका कुखुरा व्यवसायी चिन्तित भएका छन् । मुख्य नाका नरकटिया , बंकुल,कोपवा नाकाबाट खुलेआम भारतीय कुखुरा, चल्ला र अण्डा आयात हुने गरेको स्थानीयले बताउँछन् ।
उनका अनुसार रौतहटको विभिन्न ग्रामीण नाकाबाट दुवै सुरक्षाकर्मीसँगको मिलेमतोमा तस्करी हुने गरेकाले नेपाली व्यवसायी समस्यामा परेका छन् । ग्रामीण क्षेत्रका नाका प्रयोग गरी दैनिकरूपमा ठूलो मात्रामा भारतीय कुखुरा नेपाल आउन नरोकिएपछि नेपाली कुखुरापालक किसानको व्यवसाय नै धरापमा परेको छ ।
भारतमा बेलाबखत फैलिने बर्डफ्लुलगायत पक्षीजन्य रोग नेपाल भित्रिने खतराका कारण नेपाल सरकारले भारतीय कुखुराजन्य पदार्थ आयातमा प्रतिबन्ध लगाएको छ तर भारतमा कुखुराजन्य पदार्थको मूल्य नेपालमा भन्दा सस्तो रहेको हुँदा मुनाफाका लागि भारतीय कुखुरा नेपाल भित्रिने गरेको कुखुरा व्यवसायीले बताए ।
सबैभन्दा बढी रौतहटको नरकटिया ,बंकुल,कोपवाको क्षेत्रबाट ठूलो परिमाणमा कुखुरा र चल्ला तस्करी हुने गरेको पाइएको छ । यसरी भित्र्याइएका कुुखुरालाई नेपाली उत्पादन भन्दै रौतहटबाट काठमाडौं जिल्लामा समेत पुग्ने गरेको एक कुखुरा व्यवसायीको भनाइ छ ।
कुखुरा व्यवसायी भन्दै छ तस्करी रोक्न सहयोग माग्दा प्रहरी प्रशासनले सकारात्मक प्रतिक्रिया जनाउने गरे पनि व्यवहारमा नियन्त्रणमा सहयोग नपाएको गुनासो गरे । भारतीय कुखुराका कारण महङ्गो दाना र औषधि खुवाएर हुर्काएका कुखुरा सस्तो दरमा बिक्री गर्न आफूहरू बाध्य भएको उनको भनाइ छ ।
मुनाफाका लागि रौतहटमा मासु व्यवसायीले लुकाइछिपाई अवैधरूपमा कुखुरा ल्याउने र बिक्री वितरण गर्ने गरेको पाइएको छ ।
नेपाल-भारत सीमा क्षेत्र नरकटिया , प्रहरी चौकी इन्चार्ज बिरिज यादव, शस्त्र बिओपीको इन्चार्ज , कौपवा इलाका प्रहरी कार्यालयका इन्चार्ज माहान्नद यादवले तस्कर संग साठगाठ गरि भारी मात्रा खुल्याम कुखुरा गराउदै स्थानीयहरूको आरोप लगाएका छन ।
